(روزنامہ قدس ۔آن لائن خبر رساں ادارہ) صہیونی آبادکاروں کے ہاتھوں زخمی ہونے والے کم سے کم 11 فلسطینیوں کو صہیونی فوج نے تشدد کے صہیونی آبادکاروں پر حملے کے الزام میں گرفتار کرکے اسرائیلی تفتیشی مرکز منتقل کر دیا ہے۔
ذرائع کے مطابق گذشتہ روز مقبوضہ بیت المقدس میں صہیونی شر پسند آبادکاروں کے ایک منظم گروہ نے صہیونی فوج کی نگرانی میں مسجد اقصٰی میں گھس کر مقدس مقامات کے بےحرمتی کی اور فلسطینی عبادت گزاروں پر تشدد کیا۔
آبادکاروں کے اس حملے میں قابض فوج نے جوتوں سمیت مسجد اقصٰی میں داخل ہوکر صہیونی آبادکاروں کو سیکورٹی فراہم کی جس کے نتیجے میں فلسطینی باشندوں کی جانب سے بھی جوابی کارروائی کی گئی اور 6 صہیونی آبادکارتشدد کا نشانہ بنےجنہیں فوج نے اپنی گاڑیوں میں ڈال کر ہسپتال منتقل کردیا۔
دوسری جانب صہیونی آبادکاروں کے ہاتھوں زخمی ہونے والے کم سے کم 11 فلسطینیوں کو صہیونی فوج نے تشدد کے صہیونی آبادکارون پر حملے کے الزام میں گرفتار کرکے اسرائیلی تفتیشی مرکز منتقل کر دیا ہے۔