(روزنامہ قدس ۔آن لائن خبر رساں ادارہ) بینی گینٹز کا کہنا ہے کہ یہ معاہدے دونوں ممالک کے دفاعی اداروں کو اس قابل بنائیں گے کہ وہ انٹیلی جنس، صنعتی تعاون، فوجی تربیت اور بہت سے دوسرے مفادات میں تعاون سے لطف اندوز ہو سکیں گے۔
تفصیلات کے مطابق گذشتہ روز صہیونی ریاست اسرائیل کے وزیر دفاع بینی گینٹز اپنے پہلے سرکاری دورے پر مراکش پہنچے ہیں جہاں انہوں نے طے پانے والے تعلقات معمول پر لانے کےمعاہدے کے بعد ایک اورتاریخی معاہدے پراپنی ریاست کی جانب سے دستخط کیے ہیں۔
صہیونی وزیر دفاع بینی گینٹز نے مراکشی حکومت کے ساتھ کیے گئے اس معاہدے میں ڈرون اور جدیدجنگی ہتھیاروں کی خریداری سےوابستہ کئی یادداشتوں کو دستخط کر کے مکمل کیا جس کے حوالے سے ان کا کہنا ہے کہ یہ معاہدے دونوں ممالک کے دفاعی اداروں کو اس قابل بنائیں گے کہ وہ انٹیلی جنس، صنعتی تعاون، فوجی تربیت اور بہت سے دوسرے مفادات میں تعاون سے لطف اندوز ہو سکیں گے۔
واضح رہے کہ اسرائیل اور مراکش کے مابین اس دوطرفہ معاہدے میں اسرائیلی وزارت دفاع بینی گینٹزنے مراکش کے وزیر دفاع عبداللطیف لودی کے ساتھ اس اہم دفاعی مفاہمت کی یادداشت پر دستخط کیے ہیں۔”