(روزنامہ قدس ۔آن لائن خبر رساں ادارہ) برطانیہ سمیت اقوام عالم نے مقبوضہ فلسطین میں صہیونی بستیوں کی تعمیرات روکنے کا مطالبہ کردیا۔
عالمی نشریاتی ادارے کی جاری کر دہ رپورٹ کے مطابق قابض ریاست اسرائیل میں صہیونی حکمرانوں کی جا نب سے مقبوضہ مغربی کنارے کے علاقوں میں مزید صہیونی بستیوں کی تعمیرات کےمنصوبے کے خلاف برطانیہ سمیت دنیا بھر کے ممالک کے سفیروں نے آواز اٹھائی ہے اور اس منصوبے کو روکنے کا مطالبہ کیا ہے۔
مطالبے میں کہا گیا ہے کہ اسرائیل اپنے اس اقدام کو عملی جامہ پہنانے سے باز رہے جو عالمی قوانین کی خلاف ورزی اور فلسطینیوں کے جائز حقوق کے برعکس ہے۔
واضح رہے کہ قابض صہیونی حکومت نے گذشتہ ماہ مغربی کنارے میں پہلے سے موجود صہیونی بستیوں کے علاوہ مزید 3 ہزار یونٹس کی تعمیر کے منصوبے کو منظور کیا ہے جو کہ بین الاقوامی قوانین کی کھلی خلاف ورزی ہے