(روزنامہ قدس ۔آن لائن خبر رساں ادارہ) قابض فوجیوں نے نام نہاد تلاشی کی کارروائیوں کے دوران روایتی لوٹ مار کرتے ہوئے متعدد فلسطینیوں کو گرفتارکرکےنامعلوم مقامات پر منتقل کردیا ہے۔
مقامی ذرائع کے مطابق گذشتہ روز قابض صہیونی فورسز نے مقبوضہ اندرون شہر طمرا میں نام نہاد تلاشی کی کارروائیوں کے دوران روایتی لوٹ مار کرتے ہوئے کم از کم 47 افراد کو حراست میں لے لیا۔
صہیونی فوج نے شہر میں خوف و ہراس پھیلانے کے لیے اندھا دھند فائرنگ کی اورفلسطینی شہریوں سمیت دکانداروں کو مار پیٹ کرتے ہوئے زبردستی دکانیں بند کرائیں جبکہ مزاحمت کر نے والوں کو اسلحہ کی بنیاد پر حراست میں لے لیا۔
واضح رہے کہ اب تک کی موصول ہونے والی اطلاعات کے مطابق صہیونی فوج کے ہاتھوں گرفتار فلسطینیوں میں چار خواتین اور تین کم سن بچے بھی شامل ہیں۔