(روزنامہ قدس ۔آن لائن خبر رساں ادارہ) مقبوضہ فلسطین میں اسرائیلی فوجی کارروائیاں گذشتہ ایک ماہ سے دوبارہ زور پکڑ گئی ہیں جن کا مقصد بیت المقدس اور الشیخ جراح میں فلسطینیوں کو طاقت کے استعمال سے ہراساں کر کےبے دخل کر کے غیر قانونی آبادکاری کیلیے اراضی کا حصول ہے۔
تفصیلات کے مطابق گذشتہ روز مقبوضہ فلسطین میں اسرائیلی فوج نے بلا جواز گھر گھر تلاشی کی مہم کے دوران فلسطین کے شمالی شہرجنین اور بیت المقدس میں متعدد فلسطینیوں کوتشدد کا نشانہ بنایا جبکہ جنین میں دیر ابو ضعیف کے مقام پر تین فلسطینیوں کو حراست میں لے لیا۔
قابض صہیونی فوج نے شمال مشرقی جنین اور بیت المقدس سے بھی شہریوں کو اغوا کیا جن میں تلاشی کے دوران محمد موید یاسین، ھلال بدر یاسین اور سلام ایاد یاسین کو حراست میں لے لیا۔
واضح رہے کہ مقبوضہ فلسطین میں اسرائیلی فوجی کارروائیاں گذشتہ ایک ماہ سے دوبارہ زور پکڑ گئی ہیں جن کا مقصد بیت المقدس اور الشیخ جراح میں فلسطینیوں کو طاقت کے استعمال سے ہراساں کر کےبے دخل کر نا اور غیر قانونی آبادکاری کیلیے اراضی کا حصول ہے۔