شام میں صہیونی فضائی حملہ، مزید ہلاکتوں کا خدشہ

(روز نامہ قدس ۔آنلائن خبر رساں ادارہ ) شام میں خانہ جنگی کے آغاز سے اسرائیل شام کے اندر گاہے بگاہے حملے کرتا رہتا ہے جس میں شامی فوج، ایرانی اورلبنانی حزب اللہ کے ارکان کو نشانہ بنایا جاتا ہے۔

شام کی سرکاری نیوز ایجنسی کے مطابق گذشتہ شب قابض ریاست اسرائیل کی صہیونی فوج نے شامی صوبے تدمرپر فضائی حملہ کیا جس کے نتیجے میں علاقے میں ایک کمیونیکیشن ٹاوراور دیگر املاک کو تباہ کر دیا گیا۔

قابض دوج کے اس حملے میں ایک شامی فوجی سمیت شام میں موجود تین ایران نواز جنگجو ہلاک ہوگئے، ایرانی املاک کوبھی نشانہ بنایا گیا جن میں مواصلاتی ٹاور بھی شامل ہے۔

مزید معلوما ت کےمطابق صہیونی فوج کے حملے میںدرجنوں افراد کے زخمی ہونے کی اطلاعات بھی ہیں جن میں 7زخمیوں کی حالت نازک بتائی جاتی ہے۔

اس سے قبل پچھلے ہفتے کے دوران بھی اسی فوجی اڈے پر اسرائیلی فضائی حملے کے نتیجے میں دو ایران نواز غیر ملکی جنگجو ہلاک اور چھ افراد زخمی ہوگئے تھے۔

واضح رہے کہ شام میں خانہ جنگی کے آغاز سے اسرائیل شام کے اندر گاہے بگاہے حملے کرتا رہتا ہے جس میں شامی فوج، ایرانی اورلبنانی حزب اللہ کے ارکان کو نشانہ بنایا جاتا ہے۔