اسرائیلی جیل میں فلسطینی بچے کی قید ساتویں سال میں داخل

(روز نامہ قدس ۔آنلائن خبر رساں ادارہ ) 13برس کی عمرمیں فلسطینی بچے پر صہیونی فوج پر پتھراؤ میں ملوث ہونے کے الزامات عائد کیے گئے تھے۔

مقامی ذرائع کے مطابق گذشتہ روزمقبوضہ بیت المقدس سے تعلق رکھنے والے فلسطینی بچےاحمد صالح مناصرہ کی صہیونی جیل میں قید ساتویں برس میں داخل ہو گئی، اسرائیلی قابض فوج کی جانب سے12اکتوبر2015 میں13 سال کی عمر میں جھڑپوں کے دوران حراست میں لیا گیا تھااور بچے پر صہیونی فوج پر پتھراؤ میں ملوث ہونے کے الزامات عائد کیے گئے تھے۔

یاد رہے کہ اسرائیلی کی قابض افواج فلسطینی رہائشی علاقوں میں رات گئے چھاپہ مارکارروائیاں کرکے فلسطینی باشندوں کو گھروں سے اغوا کرتی ہے اورخفیہ مقامات پرتشدد کا نشانہ بناتی ہے جس سے بچنے کیلیے نہتے فلسطینی اپنے اپنے علاقوں میں راتوں کو پہرہ دینے اور اسرائیلی فوج پر پتھراؤ کے ذریعے اپنا دفاع کر نے پر مجبور ہیں۔