(روز نامہ قدس ۔آنلائن خبر رساں ادارہ ) مقبوضہ بیت المقدس میں مسلمانوں کے مقدس مقامات کی بے حرمتی کے ساتھ ساتھ مسجد اقصیٰ کی طرح عیسائی گرجا گھروں کو بھی نشانہ بنایا جارہا ہے اور ان کے مقدس مقامات کی پامالی کا سلسسلہ بھی جاری ہے۔
ذرائع سے موصول ہونے والی اطلاعات کے مطابق گذشتہ روز قابض ریاست اسرائیل میں بیت المقدس میں صہیونی شر پسند عناصرنے گرجا گھروں کو نشانا بناتے ہوئےعیسائی مذہب کے پیروکاروں پروحشیانہ تشدد کیا اورمزاحمت کے نتیجے میں متعدد عیسائی عبادت گزاروں پر پتھراؤ کردیا۔
صہیونی آباد کاروں نے اسرائیلی قابض فوج کی سرپرستی میں گرجا گھروں پر حملہ کرتے ہوئے نہ صرف بائبل کو جلایا بلکہ مقدس تصاویرپریہودی نشان ڈیوڈاسٹاربنائے اور مبلغین و پادریوں پر بھی حملہ کیا اورانہیں زخمی کر دیا۔
یاد رہے کہ مقبوضہ بیت المقدس میں مسلمانوں کے مقدس مقامات کی بے حرمتی کے ساتھ ساتھ مسجد اقصیٰ کی طرح عیسائی گرجا گھروں کو بھی نشانہ بنایا جارہا ہے اور ان کے مقدس مقامات کی پامالی کا سلسسلہ بھی جاری ہے۔