(روز نامہ قدس ۔آنلائن خبر رساں ادارہ ) بحرین کی جانب سے صہیونی ریاست کے ساتھ تعلقات کے خلاف بحرین کے شہریوں نے غم و غصے کا اظہار کرتے ہوئے اسرائیلی جھنڈا پیروں میں روندھنے کے لئے چوکھٹ پر رکھ دیا۔
گذشتہ سال امریکی سرپرستی میں خلیجی ملک متحدہ عرب امارات کے بعد بحرین نے بھی فلسطین پر قابض صہیونی ریاست اسرائیل کے ساتھ سفارتی تعلقات قائم کئے تھے جس کے خلاف بحرین سمیت مختلف ممالک میں احتجاجی مظاہرے کئے گئے اور اس فیصلے کو واپس لینے کا مطالبہ کیا تھا۔
حالیہ بحرین میں اسرائیلی اعلیٰ حکام کے دورے کے بعد بحرینی شہریوں نے قابض صہیونی ریاست کے خلاف بہ طور احتجاج اپنے غصے کے اظہار کے لئے اسرائیلی جھنڈا پیروں میں روندھنے کےلئے ایک مسجد کی چوکھٹ کے باہر بچھا دیاہے۔