(روز نامہ قدس ۔آنلائن خبر رساں ادارہ ) منیر اکرم نے کہا ہے کہ بھارت پاکستان سمیت اپنے دیگر پڑوسیوں کے خلاف ریاستی دہشت گردی میں ملوث ہے، فاشسٹ حکومت کے اقدامات سلامتی کونسل کی قرار دادوں کی خلاف ورزی ہیں۔
اقوام متحدہ کی جنرل اسمبلی کی اسلحے اور بین الاقوامی سلامتی کے معاملات سے متعلق فرسٹ کمیٹی سے خطاب کرتے ہوئے اقوامِ متحدہ میں پا کستان کے مستقل مندوب منیر اکرام نے کہا کہ بھارت کی فاشسٹ حکومت کے اقدامات سلامتی کونسل کی قرار دادوں کی خلاف ورزی ہیں، بھارت نے کشمیریوں سمیت ہندوستان میں رہنے والی 20 کروڑ مسلم اقلیت پر وحشیانہ تسلط جاری رکھا ہے۔
انھوں نےکہا کہ جنوبی ایشیاء میں امن اور استحکام صرف پاکستان اور بھارت کے درمیان تنازعات کے حل اور دونوں ملکوں کے درمیان روایتی، جوہری اور اسٹریٹجک فوجی توازن کو برقرار رکھ کر ہی حاصل کیا جا سکتا ہے انھوں نے مزید کہا کہ بھارت کو ہتھیار فروخت کرنے والے ممالک کو علم ہونا چاہیئے کہ 70 فیصد بھارتی ہتھیار اور افواجِ پاکستان کے خلاف تعینات ہیں۔