(روز نامہ قدس ۔آنلائن خبر رساں ادارہ ) اس دوران قابض فوج کی طرف سے تلاشی کے دوران فلسطینیوں کے ساتھ زبر دست جھڑپیں بھی ہوئیں جس کے نتیجے میں درجنوں فلسطینی حراست میں لے لیے گئے۔
ذرائع کے مطابق گذشتہ روز مقبوضہ فلسطینی علاقہ غرب اردن کے شمالی شہرنابلس میں قابض صہیونی فوج نے پر تشدد چھاپہ مار کارروائی کرتے ہوئے بلا جواز تلاشی کے بہانے دو فلسطینیوں عبدالرحمان شنیور اور احمد نبھان صقر کوبدترین تشدد کرتےہوئے حراست میں لے لیاجبکہ ایک اور فلسطینی شہری کو اسی علاقے سے حراست میں لیتے ہوئے نامعلوم مقام پر منتقل کر دیاجس کی شناخت کے حوالے سے تاحال کوئی اطلاعات موصول نہیں ہوئی ہیں۔
دوسری جانب بیت المقدس اور رام اللہ کے علاقےمیں اسرائیلی فوج نے الطیرہ کالونی سے 21 سالہ عمر البرغوثی کوبھی گرفتارکیا، اس دوران قابض فوج کی طرف سے تلاشی کے دوران فلسطینیوں کے ساتھ زبر دست جھڑپیں بھی ہوئیں جس کے نتیجے میں درجنوں فلسطینی حراست میں لے لیے گئے۔