(روز نامہ قدس ۔آنلائن خبر رساں ادارہ ) صہیونی ریاست کی خفیہ ایجنسی نے ایران کی جوہری تنصیبات پر حملہ کیا تاہم اس دہشتگردانہ حملے کو ناکام بنا دیا گیا۔
ایران کی ایٹمی توانائی تنظیم کے سربراہ محمد اسلامی نے اتوار کو کہا ہےکہ فلسطین پر قابض صہیونی ریاست اسرائیل نے کرج میں ایک ایرانی سینٹری فیوج تنصیب پر "دہشتگردانہ حملہ” کیا ہے تاہم اس حملے کو ناکام بنادیاگیا ہے اور اس کی مکمل تفصیلات بین الاقوامی ایٹمی توانائی ایجنسی کو پہنچا دی گئی ہیں۔
محمد اسلامی نے کہا کہ قابض صہیونی ریاست ایران کے خلاف دہشتگردانہ کارروائیوں میں ملوث ہے تاہم اس کو منہ توڑ جواب دیا جارہا ہے۔
دوسری جانب اسرائیل کے معروف اخبار "یروشلم پوسٹ” نے اپنی رپور ٹ میں لکھا ہے کہ اسرائیلی خفیہ ایجنسی کے حملے سے تہران کے مغرب میں کرج میں ایرانی تنصیبات کو "شدید نقصان” پہنچایا۔