(روزنامہ قدس ۔آنلائن خبر رساں ادارہ) فلسطینی نوجوانوں کی شہادت کے رد عمل میں سلوان کے علاقے میں مشتعل مظاہرین نےآباد کاروں کی گاڑیوں پر شدید سنگ باری کر تے ہوئے گاڑیوں کے شیشے توڑ ڈالے۔
اسرائیلی فوج کےہاتھوں بیت المقدس اور رام اللہ میں فلسطینیوں کی شہادت کے بعد گلیوں میں فسادات پھوٹ پڑے اور جگہ جگہ فلسطینیوں اور فوج کے مابین جھڑپوں کےساتھ ساتھ صہیونی آباد کاری بستیوں کے خلاف فلسطینی مظاہرے جاری ہیں جبکہ ان واقعات میں فلسطینی نوجوانوں کی جانب سے صہیونی آبادکاروں پر بھی حملے کیے گئے ہیں جن میں سلوان کے علاقے میں مشتعل مظاہرین نےآباد کاروں کی گاڑیوں پر شدید سنگ باری کر تے ہوئے گاڑیوں کے شیشے توڑ ڈالے ۔
صہیونی آباد کاروں پر فلسطینی مظاہرین کے حملوں میں ایک آباد کار کے زخمی ہونے کی بھی اطلاع ہے۔