(روزنامہ قدس ۔آنلائن خبر رساں ادارہ) بیان میں کہا گیا ہےکہ عراق میں اس وقت دس اکتوبر کو شفاف انتخابات کی تیاریاں جاری ہیں جسے ایک مٹھی بھر گروپ اپنے مخصوص فرقہ وارانہ مقاصد کے لیے اسرائیل کے ساتھ تعلقات کے قیام کی مہم چلا کر منتشر کر نے کی کوششوں میں ہے۔
عالمی ذرائع ابلاغ کے مطابق گذشتہ روز عراق کے وزیراعظم مصطفیٰ الکاظمی کے دفتر سے جاری کردہ بیان کے مطابق عراقی وزیر اعظم کا کہنا ہے کہ ہم قضیہ فلسطین کی حمایت کے دیرینہ اور اصولی مؤقف پرقائم ہیں اور کسی بھی فورم پر اسرائیل کے ساتھ دوستانہ تعلقات کے قیام کو مسترد کرتے ہیں۔
واضح رہے کہ عراق کی جانب سے یہ بیان ایسے موقع پر جاری کیا گیا ہے کہ جب عراقی صوبہ کردستان کے دارالحکومت اربیل میں چند قبائل کی جانب سےمنعقد کی گئی نام نہاد امن کانفرنس یں عراق سے اسرائیل کی حمایت میں تعلقات معمول پر لانے کا مطالبہ کیا گیا ہےتاہم عراق کی وفاقی حکومت کا کہنا ہے کہ اس کانفرنس میں عراقی عوام کی آڑ میں اپنی مذموم سوچ اجاگر کرنے کی کوشش کی گئی ہے، یہ عراق کی نمائندہ نہیں اور نہ ہی بغداد اسرائیل کے ساتھ تعلقات کے قیام کا کوئی مطالبہ تسلیم کرے گا۔
بیان میں مزید کہا گیا ہےکہ عراق میں اس وقت دس اکتوبر کو شفاف انتخابات کی تیاریاں جاری ہیں جسے ایک مٹھی بھر گروپ اپنے مخصوص فرقہ وارانہ مقاصد کے لیے اسرائیل کے ساتھ تعلقات کے قیام کی مہم چلا کر منتشر کر نے کی کوششوں میں ہے۔