صہیونی بلدیہ نے ایک اور فلسطینی کو اپنا گھرخود منہدم کر نے پر مجبور کردیا

(روزنامہ قدس ۔آنلائن خبر رساں ادارہ) اسرائیلی بلدیہ کی جانب سےغیر قانونی قرار دیےجانے پرمسمار ہونے والے اس فلسطینی گھر میں 7 بچوں سمیت 9 افراد رہائش پذیر تھے۔

ذرائع سے موصولہ اطلاعات کےمطابق قابض ریاست اسرائیل میں سلوان کی بستان کالونی میں صہیونی بلدیاتی ادارے  کی جانب سے 80 مربع میٹر پرتعمیر کیا گیا دویک فلسطینی خاندان کونوٹس جاری کیا گیاتھا کہ ان کا مکان غیر قانونی تجاوزات  کے زمرے میں آتا ہے اور وہ اپنا مکان خود مسمار کریں ورنہ بلدیہ ان کا مکان خود مسمار کرے گی اور اس کے بدلے میں فلسطینی خاندان سے جرمانہ کے طور پربھاری رقم وصول کی جائے گی۔

اسرائیلی بلدیہ کی جانب سےغیر قانونی قرار دیےجانے پرمسمار ہونے والے اس فلسطینی گھر میں 7 بچوں سمیت 9 افراد رہائش پذیر تھے۔

صہیونی ریاستی جبر کے باعث اپنے ہاتھوں اپنا مکان مسمار کرنے کے بعد دویک خاندان کھلے آسمان تلے زندگی گذارنے پرمجبور کر دیاگیا  ہے۔