(روزنامہ قدس ۔آنلائن خبر رساں ادارہ) صہیونی جیلوں میں قیدیوں نے یہ فیصلہ کیا ہے کہ انہیں منتقل و متفرق کئے جانے کی کسی بھی ہدایت پر عمل نہیں کرینگے اور ہرحال میں صیہونی پولیس کے اقدامات کے خلاف ڈٹ جائینگے۔
ذرائع کے مطابق گذشتہ روزمقبوضہ فلسطین میں صہیونی زندانوں میں جہاں بے گناہ فلسطینی قیدیوں پر انسانیت سوز مظالم ڈھائے جاتے ہیں صحرائے نقب کے صحرائی علاقے میں واقع ’کتسیعوت‘اسرائیلی جیل میں صہیونی پر تشدد سزاؤں کے خلاف قیدیوں نے ردعمل کے طور پر آگ لگادی اور جس کے بعد دامون جیل کے فلسطینیوں نے بھی صیہونی ظلم کے خلاف احتجاج کرتے ہوئے اس جیل کی دو سیل کو خاکستر کر دیا، جس کے بعد اسرائیلی خفیہ ادارہ شاباک نے ایک بیان میں کہا ہے کہ اب مقبوضہ فلسطین کی دوسری جیلوں میں بھی فلسطینی قیدی اسی طرح کا اقدام کر سکتے ہیں جس کے پیش نظر شاباک صہیونی حکام کے خاص حکم پر بڑے پیمانے پر اسی طرح کے واقعات سے نمٹنے کی تیاری کر رہی ہے۔
دوسری جانب مقبوضہ فلسطین کی سبھی جیلوں میں قیدیوں نے یہ فیصلہ کیا ہے کہ انہیں منتقل و متفرق کئے جانے کی کسی بھی ہدایت پر عمل نہیں کرینگے اور ہرحال میں صیہونی پولیس کے اقدامات کے خلاف ڈٹ جائینگے۔
اس سے قبل فلسطین کی اسلامی جہاد تنظیم کے قیدیوں نے انتباہ دیا تھا کہ اگر جیل کے عہدیداروں نے انہیں کہیں اور منتقل کیا تو وہ جیل کی کوٹھریوں میں آگ لگا دینگے۔