(روزنامہ قدس ۔آنلائن خبر رساں ادارہ) ذرائع کا کہنا ہے کہ چھ فلسطینیوں کی جانب سے فول پروف صہیونی جیل توڑ کر فرار ہونے والے واقع نے صہیونی حکام کو شدید ذہنی دباؤ میں مبتلا کردیا ہے ۔
مقامی ذرائع سے حاصل اطلاعات کے مطابق صہیونی فوج کی جانب سے مقبوضہ فلسطین کے محصور شہر غزہ میں خان یونس کے علاقے میں موجود ایک کمپاؤنڈ پر بمباری کی گئی تاہم اس حملے میں کسی جانی نقصان کی اطلاعات نہیں ملیں ۔
قابض صہیونی فوج کی جانب سے جاری کردہ بیان کےمطابق اسرائیلی فضائیہ کے لڑاکا طیاروں نے جنوبی غزہ کے علاقے خان یونس میں حماس کی راکٹ تیار کرنے والی ورکشاپ کے ساتھ ساتھ حماس کے فوجی کمپاؤنڈ کو نشانہ بنایا، نشانہ بنایا جانے والا کمپاونڈ میں ایک سیمنٹ فیکٹری ہے جو دہشتگرد حملوں اور سرنگوں کی تعمیر کے لیے استعمال ہوتی ہے۔
ذرائع کا کہنا ہے کہ غزہ پر صہیونی فوج کی جانب سے کیا جانے والا حالیہ حملہ اسرائیلی فوج اور حکام کی بوکھلاہٹ کا کھلا ثبوت ہے اسرائیلی حکام فلسطینیوں کی جانب سے جیل توڑ کر فرار ہونے میں کامیاب ہونے کے انھوکے واقع کے باعث شدید حزیمت کے ساتھ ساتھ ذہنی دباؤ کا شکار ہیں ۔