(روزنامہ قدس ۔آنلائن خبر رساں ادارہ) مقبوضہ بیت المقدس میں واقع مسجداقصٰی صہیونی قبضے میں آنے والی مسلمانوں کی وہ مقدس عبادت گاہ ہے جسے اسلام کا تیسرا مقدس ترین مقام کہا گیا ہے اور جسکو مسلمانوں سے چھین کر پامال کر دینے کی اسرائیل کی سازشیں تاحال جاری ہیں۔
مقامی ذرائع سے موصول ہونے والی اطلاعات کے مطابق ایک بار پھرمقبوضہ بیت المقدس میں قابض افواج کی سرپرستی میں درجنوں شر پسند صہیونی آباد کاروں نے مسجد اقصیٰ کے صحنوں میں داخل ہوکرمقدس مقامات کی بے حرمتی کی۔
شرپسندعناصردمشق گیٹ سے مسجد میں داخل ہوئے جسے فلسطینی باب العامود گیٹ کہتے ہیں، فلسطینی مذہبی حکام کی جانب سے بار بار اعتراضات اور انتباء کے باوجود اسرائیلی قابض حکام 2003 سے صہیونی فوج کے تحفظ میں آباد کاروں کو مسجد میں داخل ہونے اور مقدس مقامات کی پامالی کی اجازت دیتے ہیں تاکہ فلسطینی مسلمان مشتعل ہوںکر جوابی کارروائی کریں جس کے نتیجے میں قابض فوج باآسانی فلسطینی باشندوں کی گرفتاریوں کا سلسلہ شروع کرے،اور یہ سلسلہ تاحال جاری ہے اس موقع پر صہیونی افواج ہمیشہ مسجد کے صحنوں میں نمازیوں پر دستی بموں اور ربڑ کی گولیوں سمیت بھاری مقدار میں آنسو گیس کی شیلنگ کرتی ہےجبکہ بڑے پیمانے پر بے گناہوں کی گرفتاریاں بھی عمل میں لائی جاتی ہیں۔
خیال رہے کہ مقبوضہ بیت المقدس میں واقع مسجداقصٰی صہیونی قبضے میں آنے والی مسلمانوں کی وہ مقدس عبادت گاہ ہے جسے اسلام کا تیسرا مقدس ترین مقام کہا گیا ہے اور جسکو مسلمانوں سے چھین کر پامال کر دینے کی اسرائیل کی سازشیں تاحال جاری ہیں۔