(روزنامہ قدس ۔آنلائن خبر رساں ادارہ) فلسطینی قیدی نے صہیونی جیل میں اپنی غیرقانونی انتظامی حراست کے خلاف جاری بھوک ہڑتال کورہائی پانے تک جاری رکھنے کا فیصلہ کیا ہے۔
تفصیلات کے مطابق گذشتہ روزمقبوضہ فلسطین میں صہیونی جیل میں قید الخلیل کے رہائشی عبداللہ الحمید نے چھ ماہ سے بغیر کسی جرم کے صہیونی جیل میں انتظامی قید کے تحت حراست میں لیے جانے کے خلاف 2 ہفتوں سے مسلسل جاری اپنی احتجاجی بھوک ہڑتال کو آزادی تک جاری رکھنے کا فیصلہ کیا ہے۔
واضح رہے کہ صہیونی زندانوں میں ہزاروں بے گناہ فلسطینی اسرائیل کی جانب سے غیر قانونی انتظامی حراست کی پالیسی کے تحت پابند سلاسل ہیں اور احتجاجی بھوک ہڑتال کے ذریعے اقوام عالم کی توجہ جیلوں میں اسرائیلی مظالم کی جانب مبذول کرانے کی کوشش کرتے ہیں۔