(روزنامہ قدس ۔آنلائن خبر رساں ادارہ ) حماس کا کہنا ہے کہ لبنانی مزاحمتی قوتوں کو قابض صہیونی دشمن کی طرف سے جارحیت کا جواب دینے اوراپنے دفاع کا حق حاصل ہے اور اہم اس کی مکمل حمایت کرتے ہیں۔
مقبوضہ فلسطین میں صیہونی ریاستی دہشتگردی کے خلاف برسرپیکار اسلامی مزاحمتی تحریک حماس نے لبنانی مشرقی سرحدوں پر اسرائیلی جارحیت کے جواب میں اسرائیلی زیر تسلط فلسطینی علاقوں الجلیل اور وادی گولان میں اسرائیلی فوجی تنصیبات پر کامیاب حملوں پر مبارک باد پیش کی ہے۔
حماس کی طرف سے جاری بیان میں کہا گیا ہے کہ لبنانی مزاحمتی قوتوں کو قابض صہیونی دشمن کی طرف سے جارحیت کا جواب دینے اوراپنے دفاع کا حق حاصل ہے، حماس اور فلسطینی قوم لبنانی مزاحمتی قوتوں کی حمایت جاری رکھے گی۔
بیان میں کہا گیا ہے کہ حماس اسرائیلی فوج کی طرف سے لبنان میں بے گناہ شہری آبادی پر وحشیانہ بمباری کی شدید مذمت کرتے ہوئے لبنانی عوام کے ساتھ کھڑی ہے۔