(روزنامہ قدس ۔آنلائن خبر رساں ادارہ ) اسرائیلی وزیردفاع نے دعویٰ کیا ہے کہ اسرائیلی بحری جہاز پر حملے کا ماسٹرمائنڈ ایرانی پاسداران انقلاب کی ڈرون یونٹ کا انچارج سعید ارجانی ہے۔
قابض صیہونی ریاست اسرائیل کے معروف اخبار یروشلم پوسٹ کی رپور ٹ کے مطابق صیہونی ریاست کے وزیردفاع اور سابق اسرائیلی آرمی چیف بینی گینٹز نے اقوام متحدہ کی سلامتی کونسل میں سفراء سے گفتگوکرتے ہوئے دعویٰ کیا ہے کہ چند روز قبل بحیرہ عرب میں اسرائیل کے ایک تیل بردار جہاز پر حملہ کیا گیا تھا اس حملے کا ماسٹرمائنڈ ایرانی پاسداران انقلاب کی ڈرون یونٹ کا انچارج سعید ارجانی ہے۔
انہوں نے مزید کہا مرسر اسٹریٹ پر حملے کے بارے میں غیر ملکی سفیروں کے ساتھ ایک بریفنگ کے دوران کہا گیا ہے خلیج عمان میں ہونے والے حملے کے پیچھے سعید ارجانی ہے۔ انہوں نے دعویٰ کیا کہ ایران تیزی کے ساتھ جوہری ہتھیاروں کے حصول کی طرف بڑھ رہا ہے اور وہ رواں سال کے دوران جوہری ہتھیاروں کے استعمال کے قابل ہوجائے گا ۔