(روز نامہ قدس ۔آنلائن خبر رساں ادارہ ) صہیونی فوجی ترجمان کے مطابق اسرائیل نےفلسطینی راکٹ حملے کے جواب میں جنوبی لبنان پر بڑے پیمانے پر توپ خانے سے گولہ باری کی ہے۔
ذرائع کےمطابق گذشتہ روز قابض ریاست اسرائیل کے فوجی ترجمان کے مطابق فلسطینی مزاحمتی گروپوں کی جانب سےجنوبی لبنان سے اسرائیل پر3 راکٹ داغے گئے جس کے جواب میں اسرائیلی فوج نے جوابی کارروائی کرتے ہوئےجنوبی لبنان پربڑے پیمانے پر توپ خانے سے شیلنگ کی گئی۔
اسرائیلی فوجی ترجمان کے مطابق لبنانی علاقے سے داغے گئے راکٹوں میں سے ایک لبنان کی سرزمین پر گرا جبکہ دو اسرائیل میں گرے، ایک راکٹ کو اسرائیل کے آئرن ڈوم نظام نے فضا ہی میں تباہ کردیا اورکیریت شمونا میں گرنے والے راکٹ سے آگ بھڑک اٹھی تاہم کسی قسم کے جانی یا مالی نقصان کی کوئی اطلاع نہیں ہے۔
پہلے تو اسرائیلی فوج نے راکٹ لانچنگ سائٹ پر توپ خانے سے جواب دیا بعد میں فوج نے اعلان کیا کہ اس نے راکٹ فائرنگ کے جواب میں جنوبی لبنان پر بڑے پیمانے پر توپ خانے سے گولہ باری کی ہے۔