(روز نامہ قدس ۔آنلائن خبر رساں ادارہ ) اسرائیل نے رواں سال کے آغاز سے آج تک 14 سے زیادہ حملے کیے ہیں جن تقریبا 41 اہداف کو نقصان پہنچاجبکہ ان میں عمارتیں، ہتھیار اور گولہ بارود کے گودام، صدر دفاتر اور دیگر مراکز شامل رہے ہیں۔
عالمی خبرر رساں ادارے کے مطابق گذشتہ روز روس نے شام میں ایرانی ملیشیاؤں پر اسرائیلی حملوں کے حوالے سے خاموشی توڑتے ہوئے اسرائیل کو دھمکی دی ہے کہ یہ صورت حال برقرار رہی تو اسرائیلی طیاروں کے لیے شام کی فضائی حدود بند کی جا سکتی ہیں۔
روسی وزارت دفاع کی جانب سےجاری کردہ بیان میں واضح طور پر کہا گیاہے کہ چند روز کے دوران شامی فوج نے روسی فضائی دفاعی نظاموں کے ذریعےاسرائیل کے زیادہ تر میزائل مار گرائےہیں جن میں پہلا حملہ لبنانی فضائی حدود کے راستے ہوئے جبکہ دوسری کارروائی التنف کے علاقے کی جانب سے ہوئی۔ یہ علاقہ شام، اردن اور عراق کے درمیان سرحدی تکون پر واقع ہے۔
روسی وزارت دفاع کے اس بیان کےعلاوہ ایک اور عالمی ذرائع نے شام کی فضائی حدود کی بندش کے امکان کا عندیہ دیا ہےجس میں اسرائیلی طیاروں کے لیے شام کی فضائی حدود بند کی جا سکتی ہیں تاہم اسرائیل نے حسب عادت ان حملوں پر کوئی تبصرہ نہ کرتے ہوئے خاموشی ظاہر کی ہے۔
واضح رہے کہ اسرائیل نے رواں سال کے آغاز سے آج تک 14 سے زیادہ حملے کیے ہیں۔ ان کے نتیجے میں تقریبا 41 اہداف کو نقصان پہنچا۔ ان میں عمارتیں، ہتھیار اور گولہ بارود کے گودام، صدر دفاتر اور دیگر مراکز شامل رہے ہیں۔