(روزنامہ قدس ۔آنلائن خبر رساں ادارہ ) قابض فوجیوں نے مسجد اقصیٰ پر دھاوا بولا خواتین اور بچوں سمیت مسجد میں موجود نمازیوں کو تشدد کا نشانہ بنایااور متعدد کو بلاجواز گرفتارکرلیا۔
مقامی ذرائع سے حاصل ہونے والی اطلاعات کے مطابق گذشتہ روز قابض صیہونی ریاست کی سیکیورٹی فورسز نے مقبوضہ بیت المقدس میںمسجد اقصیٰ پر دھاوا بولا اس دوران غیر قانونی صیہونی آبادکاروں نے اشتعال انگیز دھاوا بولا جن کو قابض فوجیوں کی سرپرستی حاصل تھی۔
صیہونی فوجیوں اور پولیس نے مسجد اقصیٰ کے صحن میں عبادت میں مصروف بچوں اور خواتین سمیت عبادت گزاروں کو تشدد کا نشانہ بنایا جبکہ متعدد کو حراست میں لیتے ہوئے نامعلوم مقام پر منتقل کردیا۔