(روز نامہ قدس ۔آنلائن خبر رساں ادارہ ) صہیونی وزیر اعظم نے کورونا کی نئی قسم ڈیلٹا کے حوالے سے کہا ہے کہ ہم اپنی معیشت کو مد نظر رکھتے ہوئے لاک ڈاؤن کا نفاذ نہیں کر سکتے تاہم ہمیں اس نئے وائرس کے ساتھ رہنا سیکھنا ہے۔
اسرائیلی نشریاتی ادارے کی رپورٹ کے مطابق قابض ریاست اسرائیل میں جاری کورونا ویکسینیشن کی تیز رفتار مہم کے ذریعے عالمی وبائی مرض کورونا وائرس کے انفیکشنز اور اس کے باعث ہونیوالی اموات میں کمی کے بعد عوام نے وائرس سے بچاؤ کے لیے چہرے پر ماسک لگانا اور سماجی دوری قائم رکھنے کے قوانین بھی ترک کردیے تھےتاہم اچانک وارد ہونے والا ڈیلٹا ویریئنٹ ایسے کیسزسامنےلایا ہے جس کے باعث نئے وزیراعظم نفتالی بینیٹ کی جانب سے کچھ پابندیاں دوبارہ عائد کرنے اور حکمت عملی پر نظر ثانی کرنی پڑی ہے۔
اسرائیلی وزیر اعظم نے کورونا کی نئی قسم ڈیلٹا کے حوالے سے کہا ہے کہ ہم اپنی معیشت کو مد نظر رکھتے ہوئے لاک ڈاؤن کا نفاذ نہیں کر سکتے تاہم ہمیں اس نئے وائرس کے ساتھ رہنا سیکھنا ہے جس میں ممکنہ حد تک محدود پابندیوں پر سختی کے ساتھ عمل درآمد دوبارہ کورونا ٹیسٹ میں تیزی، ماسک لگانا، ویکسی نیشن کے لیے حوصلہ افزا مہم شامل ہے۔