(روز نامہ قدس ۔آنلائن خبر رساں ادارہ ) صدر محمود عباس کے خلاف احتجاجی مظاہرے میں سینکڑوں فلسطینیوں نے عہدے سے فوری مستعٰفی ہونے کا مطالبہ کیا۔
اطلاعات کے مطابق آج بعد نماز جمعہ مقبوضہ مغربی کنارے کے شہرالخلیل میں فلسطینی اتھارٹی کے اہلکاروں کے ہاتھوں فلسطینی کارکن اور نقادنزاربنات کےوحشیانہ قتل کےخلاف سیکڑوں فلسطینیوں نے احتجاجی مظاہرے میں فلسطینی صدر محمود عباس سےاپنے عہدے سے فوری مستعٰفی ہونےکا مطالبہ کیا۔
مظاہرے میں فلسطینی عوام نےسڑکیں بلاک کردیں اورصدر محمود عباس کے خلاف شدید نعرے بازی کرتے ہوئے انہیں نزات بنات کےقتل کا ذمہ دار ٹہرایا۔
خیال رہے کہ دو ہفتے قبل فلسطینی اتھارٹی کے اہلکاروں نے نزار بنات کو ان کے گھر میں گھس کر زبردستی حراست مین لیاتھا اوت ایک روز کے اندر ہی بنات کو مردہ حالت میں اہل خانہ کے سپرد کیا تھا جس کے بعد الخلیل میں فلسطینی اتھارٹی کے خلاف عوام شدید غم و غصے کے ساتھ مظاہروں میں صدر سے بنات کی موت کے ذمہ داروں کوکیفر کردار تک پہنچانے کے ساتھ ساتھ استعٰفے کا مطالبہ کررہے ہیں۔