(روز نامہ قدس ۔آنلائن خبر رساں ادارہ ) مقبوضہ فلسطین کے محصور شہر غزہ کے رہائشی یوسف حسن اسعد نے قدس نیوز سے رابطہ کرکے وزیراعظم پاکستان عمران خان اور دیگر عہدیداران سے پاکستان میں ان کی بیٹی کے علاج کی درخواست پہنچانے کی اپیل کی۔
اردو زبان میں فلسطین کے حوالے سے سب سے بڑی نیوز آرگنائزیشن "روزنامہ قدس نیوز ایجنسی ” کو 28 جون کو مقبوضہ فلسطین کے شہر غزہ کے رہائشی یوسف حسن اسعد کی جانب فراہم کردہ معلومات شائع کی گئی جس میں وزیراعظم عمران خان سے بیٹی کے علاج میں مددفراہم کرنے کی اپیل کی گئی تھی، "روزنامہ قدس نیوز ایجنسی ” پر خبر شائع ہونے کےبعد دیکھتے ہی دیکھتے ملک کے تمام معتبر ذرائع ابلاغ نے معصوم ولاء یوسف جو ہڈیوں کے ایک تکلیف دہ قابلِ علاج عارضے ’ملٹی پل آرتھروگرائپوسِس‘ کی شکار ہیں، جس میں ہڈیوں کی نشوونماں رک جاتی ہے اور ہڈیاں مڑنے لگتی ہیں کی خبر کو انسانی بنیادوں اور فلسطین سے پاکستان کے لازوال رشتے کے تحت شائع کیا جبکہ بعض نے اس حوالے سے مکمل پروگرام نشر کئے اور وزیراعظم پاکستان سے ننھی ولاء جو سخت تکلف کا شکار ہے اٹھنے، بیٹھنے اور چلنے پھرنے سے بھی قاصر ہے کی مدد کی اپیل کی ہے۔
پاکستانی ذرائع ابلاغ پر ننھی ولاء کی بیماری اور مددد کی اپیل کےبعد سے عوامی سطح پر بڑے پیمانے پر وزیراعظم پاکستان سے اپیل کی جارہی ہے کہ فلسطینی بچی کو اس مرض سے نجات دلانے کیلئے حکومتی سطح پر اقدامات کئے جائیں۔