(روز نامہ قدس ۔آنلائن خبر رساں ادارہ ) صہیونی شر پسند عناصر جمعہ اور ہفتہ کے علاوہ ہفتے کے باقی ایام میں یہودی آباد کار مسجد اقصیٰ پر دھاوے بولتے اور تلمودی تعلیمات کے مطابق مسجد اقصیٰ کی حرمت کو پامال کرنے والے اشتعال انگیز اقدامات اور حرکات کرتے ہیں۔
فلسطینی محکمہ اوقاف کی جانب سے جاری ایک بیان میں کہا گیا ہےکہ گذشتہ روزاسرائیلی فوج کی سر پرستی میں صہیونی آباد کاروں کے منظم گروہ کی جانب سے اسرائیلی طلبا اور انٹیلی جنس اہلکاروں سمیت درجنوں انتہا پسندوں نے قبلہ اول میں گھس کرمقدس مقامات کی بے حرمتی کی جبکہ اشتعال انگیزنعرے بازی کی اور مسلمان نمازیوں پر نسل پرستانہ اشتعال انگیز فقروں سےماحول کی سنگینی میں اضافہ کیا۔
صہیونی آباد کارمراکشی دروازے کے راستے مسجد اقصیٰ کے صحن میں داخل ہوئے۔ اس موقعے پر انتہا پسند یہودی شرپسندوں کو مزعومہ ہیکل سلیمانی کے بارے میں مذہبی بریفنگ بھی دی گئی۔
خیال رہے کہ جمعہ اور ہفتہ کے علاوہ ہفتے کے باقی ایام میں یہودی آباد کار مسجد اقصیٰ پر دھاوے بولتے اور تلمودی تعلیمات کے مطابق مسجد اقصیٰ کی حرمت کو پامال کرنے والے اشتعال انگیز اقدامات اور حرکات کرتے ہیں۔