(روز نامہ قدس ۔آنلائن خبر رساں ادارہ ) صہیونی فوج نے بے گناہ فلسطینی نوجوان کو حراست میں لیتے ہوئے بد ترین تشدد کانشانہ بنایا اور نا معلوم مقام پر منتقل کردیا۔
تفصیلات کے مطابق گذشتہ روزعلی الصبح قابض صہیونی فوج نےمقبوضہ بیت المقدس کےعلاقے راس العامود کے رہائشی فلسطینی نوجوان ابراہیم اسماعیل الغول کو بغیر کسی جواز کے چھاپہ مار کارروائی میں اس کے گھر سے تلاشی کے دوران تشدد کر تے ہوئے گرفتارکر لیا۔
عینی شاہدین کے مطابق صہیونی فوج نے بے گناہ فلسطینی نوجوان کو حراست میں لیتے ہوئےاس کے اہل خانہ کے سامنے بد ترین تشدد کانشانہ بنایا اور نا معلوم مقام پر منتقل کردیا جبکہ بلاجواز نوجوان کی حراست کے خلاف احتجاج کرنے والے خاندان کے دیگر افراد کو بھی زدوکوب کیا۔
خیال رہے کہ فلسطینی نوجوان کو صہیونی فوج کے ہاتھوں غیر قانونی حراست کے بعدکس تفتیشی مرکز لے جایا گیا ہےاس حوالے سے تاحال کوئی خبرموصول نہیں ہوئی ہے۔