(روز نامہ قدس ۔آنلائن خبر رساں ادارہ ) ریلی کے سائیکل سوار شرکاء کا مطالبہ تھا کہ فلسطینیوں کے حقوق پر قابض اسرائیل بے گناہ فلسطینیوں پر مظالم بند کرے اور اس حوالے سے عالمی قانون کی پاس داری کرے۔
گزشتہ روز قابض ریاست اسرائیل میں فلسطینی باشندوں پر ڈھائے جانے والے مظالم کے خلاف اظہار یکجہتی کے لیےسائیکل ریلی کا اہتمام کیا گیا جس میں سینکڑوں سائیکل سواروں نے فلسطین میں اسرائیلی مظالم کے خلاف احتجاج کیا اور فلسطینیوں کے حق میں بھر پور نعرے لگائے۔
احتجاجی ریلی کے شرکاء نے فلسطینی پرچم کی شرٹیں زیب تن کی ہوئی تھیں جبکہ ہاتھوں میں پلے کارڈز بھی اٹھائے ہوئے تھے جن پر اسرائیل مخالف نعرے درج تھے، ریلی کے شرکاء کا مطالبہ تھا کہ فلسطینیوں کے حقوق پر قابض اسرائیل بے گناہ فلسطینیوں پر مظالم بند کرے اوراس حوالے سے عالمی قانون کی پاس داری کرے۔
سی ویو سے شروع ہونے والی اسرائیلی بر بریت کےخلاف فلسطین یکجہتی مارچ کا اختتام کراچی پریس کلب پر ہوا جس میں شہرکراچی کی عوام نے بڑھ چڑھ کر حصہ لیا۔
واضح رہے کہ فلسطینی عوام پر مظالم کے خلاف ملک بھر میں اسرائیل مخالف احتجاجی ریلیوں کا سلسلہ جاری ہے۔