(روز نامہ قدس ۔آنلائن خبر رساں ادارہ ) ذرائع کا کہنا ہے کہ حماس کے خطرناک جوابی حملوں کے نتیجے میں ہزاروں صیہونی غیر قانونی بستیوں کو چھوڑ کر غرب اردن منتقل ہورہے ہیں جبکہ سیکڑوں یورپ فرار ہوگئے ہیں۔
باخبر ذرائع سے حاصل اطلاعات کے مطابق قابض صیہونی ریاست نے مقبوضہ فلسطین سے فلسطینیوں کو بے دخل کرنے کیلئے اپنی جانب سے حتمی کارروائی شروع کی تاہم صیہونی ریاست کو فلسطینی مجاہدین کی جانب سے اس قدر شدید جوابی حملوں کی ہر گز توقع نہیں تھی۔
فلسطینی مزاحمت کاروں کی جانب سے قابض ریاست کے دارالحکومت تل ابیب بھی حملوں سے محفوظ نہیں رہا، حماس کے میزائلوں کے خوف سے تل ابیب میں بسائے گئے صیہونی وہاں سے غرب اردن کی جانب فرار ہوگئی ہے، تل ابیب میں بسائے گئے صیہونی استقامتی تحریک حماس کے حملوں کے خوف کے مارے وہاں سے گروہ در گروہ غرب اردن کی جانب بھاگ رہے ہیں۔
ذرائع کا کہنا ہے کہ صیہونی ریاست کے شہر عسقلان ، اشدود، کریات ملاخی اور دارالحکومت خصوصی طور پرحماس کے میزائلوں کا نشانہ بنا جس کے بعد ان شہروں سے ہزاروں صیہونیوں نے غرب اردن اورسیکڑوں یورپ کے دیگرممالک فرار ہوگئے ہیں۔