فلسطین میں ہونے والے مظالم پر جو خاموش ہے وہ بھی مجرم ہے، ماہرہ خان

(روز نامہ قدس ۔آنلائن خبر رساں ادارہ ) ماہرہ خان نے کہا ہے کہ مقبوضہ فلسطین میں انسانیت سوز ظلم پر جو بھی خاموش ہے اس کا شمار انسانوں میں نہیں ہونا چاہئے۔

پاکستان فلم و ٹی وی انڈسٹری کی معروف اداکارہ ماہرہ خان بھی مقبوضہ فلسطین میں صیہونی ریاستی دہشتگردی پر پھٹ پڑیں ، سماجی رابطوں کی ویب سائٹ ٹویٹر پرانہوں نے فلسطین کے معصوم بچوں پر اسرائیل کے وحشیانیہ  حملوں کی ویڈیو شیئر کرتے ہوئے لکھا کہ یہ سب دل دہلا دینے والا ہے۔

Heartbreaking!! Barbaric attacks.. Even worse those who remain silent. #PalestinianLivesMatter https://t.co/lit2qgNuAW

— Mahira Khan (@TheMahiraKhan) May 11, 2021

ماہرہ نے کہا کہ یہ انسانیت پر بدترین حملے ہیں اور جو اس پر خاموش ہے اسکا شمار انسانوں ہر نہیں ہونا چاہئے۔ایک اور ٹوئٹ میں انہوں نے کہا کہ یہ دہشت گردی ہے۔فلسطینی میڈیا کے مطابق غزہ میں اسرائیلی حملےمیں 12 بچوں اور ایک خاتون سمیت شہید فلسطینیوں کی تعداد35 ہوگئی۔