(روز نامہ قدس ۔آنلائن خبر رساں ادارہ ) قابض صہیونی فوجیوں نے افطار کے بعد قصبے کے داخلی راستے سیل کرکے فلسطینی طالب علم سعيد يوسف محمد عودہ کی شہادت پر احتجاج کر نے والے مقامی فلسطینی مظاہرین کو بندوق کے بٹوں سے زدوکوب کیا اور اندھا دھند گولیاں برسائیں۔
العربیہ چینل کےمطابق مقبوضہ فلسطین کے شہرنابلس کے علاقے اودلا میں اسرائیلی فوج کی فائرنگ سے 16 سالہ فلسطینی طالب علم کی شہادت پر فلسطینیوں کی بڑی تعداد احتجاج کرتے ہوئے سڑکوں پر نکل آئی جنہیں منشتر کرنے کے لیے غاصب فوجیوں نے فائرنگ کی اوردرجنوں مظاہرین کو زخمی کر دیا جن میں 4 فلسطینیوں کو شدید نوعیت کے زخم آئےہیں۔
اس حوالے سے فلسطینی رہنما اور اودلا کی دیہی کونسل کے رکن ھشام عبدالجبار کی جانب سے بیان میں بتایا ہے کہ قابض صہیونی فوجیوں نے افطار کے بعد قصبے کے داخلی راستے سیل کرکے فلسطینی طالب علم سعيد يوسف محمد عودہ کی شہادت پر احتجاج کر نے والے مقامی فلسطینی مظاہرین کو بندوق کے بٹوں سے زدوکوب کیا اور اندھا دھند گولیاں برسائیں جس کے نتیجے میں فلسطینی شدید زخمی ہوئے ۔