(روز نامہ قدس ۔آنلائن خبر رساں ادارہ ) دونوں ریاستوں کے درمیان بحری حدود کو طے کرنے کیلئے مذاکرات گذشتہ سال شروع ہوئے تھے تاہم فریقین نے ایک دوسرے پرعدم تعاون کا الزام عائدکیا تھا جس کے باعث یہ مذاکرات معطل ہوگئے تھے۔
لبنان کی سرکاری خبر رساں ایجنسی کے مطابق جنوبی لبنان کے علاقے راس الناقورہ میں اقوام متحدہ اور امریکا کی ثالثی کے تحت لبنان اور فلسطین پر قابض صیہونی ریاست اسرائیل کے درمیان سمندری حدود کےتعین کیلئے مذاکرات ایک سال بعد ایک بار پھر شروع ہوگئے ہیں۔
مذاکرات میں امریکی مذاکراتی ٹیم کے سربراہ جون ڈیروشربھی شامل ہیں جو ماضی میں بھی لبنان اور اسرائیل کے درمیان سمندری وسائل اور آبی حدود کے تعین کے حوالے سے مذاکرات میںاہم کردار ادا کرچکےہیں۔