(روز نامہ قدس ۔آنلائن خبر رساں ادارہ ) صہیونی فوجی اہلکاروں نےفلسطینی کو بغیر کسی وجہ کے اغوا کر کے غیر قانونی جیل منتقل کر دیا تھا تاہم نوجوان کے خاندان اور اہل خانہ کی مشترکہ کوششوں سے وفیق نیرات کی صہیونی جیل میں قیدکا پتہ لگایا گیا۔
تفصیلات کے مطابق 2 روز قبل گمشدہ ہونے والے مقبوضہ فلسطین کے علاقے جنین کے رہائشی 24 سالہ فلسطینی نوجوان ملک وفیق نیرات کو قابض صہیونی فوجی اہلکاروں نے بغیر کسی وجہ کے اغوا کر کے صہیونی غیر قانونی جیل منتقل کر دیا تھا تاہم نوجوان کے خاندان اور اہل خانہ کی مشترکہ کوششوں سے وفیق نیرات کے صہیونی جیل میں قید کی اطلاعات کے بعد فلسطینی خاندان کی جانب سے صہیونی فوج کی ناجائز حراست کے خلاف احتجاجی مظاہرے کیے جارہے ہیں۔
مزید اطلاعات کے مطابق دو روز سے لاپتہ فلسطینی پر قابض فوج کے سالم ملیٹری کورٹ میں مقدمہ چلایا گیا ہے جس کے مطابق وفیق نیرات کو آج دن کے وقت عدالت میں پیش کیا جانا متوقع ہے۔