(روز نامہ قدس ۔آنلائن خبر رساں ادارہ ) صہیونی اسلحہ فیکٹری میں دھماکہ معمول کے میزائل تجزیےکے لیےکیا، اسلحہ فیکٹری میں جدید راکٹ انجن تیار کیے جاتے ہیں اور اوفیک سیٹلائٹ لانچر سمیت مختلف اقسام کے میزائل رکھے جاتے ہیں۔
تفصیلات کے مطابق گذشتہ روز قابض ریاست اسرائیل میں مقبوضہ علاقے الرملہ میں صہیونی ٹومر نامی ہائی ٹیک آرڈیننس فیکٹری کے اندر زور داردھماکے کی آوازسنی گئی جس کے فورا بعد ہی دھوئیں کے بادل فضاء میں پھیل گئے۔
صہیونی اسلحہ فیکٹری میں راکٹ انجن تیار کیے جاتے ہیں اوراوفیک سیٹلائٹ لانچر سمیت مختلف اقسام کے میزائل رکھے جاتے ہیں۔
خوفناک دھماکے کے حوالے سےاسلحہ پلانٹ کےاسرائیلی عہدیداروں کا کہنا ہے کہ فیکٹری میں معمول کے میزائل تجزیے کےدوران یہ ایک کنٹرولڈ دھماکہ تھا جو جدید اسلحے کے ٹیسٹ کے لیے کیا گیا۔
واضح رہے کہ گذشتہ روز اسرائیل نے دنیا بھر کے اپنے تمام سفارت خانوں کو ایران کے حملوں سے خبردار کرتے ہوئے کہا تھا کہ ایران صیہونی سفارت کاروں کو نشانہ بنانے کی بھر پور کوشش اور منصوبہ بندی کر رہا ہے۔