(روز نامہ قدس ۔آنلائن خبر رساں ادارہ ) صہیونی فوج نے فلسطینی قیدی کو سزا کے طور پر کورونا وائرس کے متاثرہ قیدیوں کے ساتھ قید کر دیا جس کے باعث قیدی رمزی ابو اجمیہ بھی کورونا میں مبتلا ہو گئے۔
فلسطینی قیدیوں کے امور سے متعلق کمیٹی برائے اسیران قیدی کلب کی جانب سےگذشتہ روز بیان جاری کیا گیاہے جس کے قابض صہیونی فوج نے مقبوضہ بیت المقدس کے قریب دھیشہ پناہ گزین کیمپ سے29 مارچ 2021 کو رمزی ابو اجمیہ نامی فلسطینی قیدی کو ان کے گھر سے حراست میں لیا تھا بعد ازاں فلسطینی نے قابض فوج کی حراست سے آزادی کی کوشش کی تھی جس کے نتیجے میں صہیونی فوج نے رمزی کے پاؤں میں گولی مار کر انہیں زخمی کردیا تھا اور سزا کے طور پر رام اللہ شہر کے جنوب مغرب میں واقع عوفر اسرائیلی جیل میں کورونا وائرس کے متاثرین قیدیوں کے ساتھ قید کر دیا۔
قیدی کلب کے ترجمان کے مطابق ابو اجمیہ کوجبری طور پر جیل کے ایک حصے میں منتقل کردیا گیا جہاں کورونا کے مریض قیدیوں کو رکھا گیا تھا جس کے نتیجے میں گذشتہ روز رمزی کی کورونا ٹیسٹ رپورٹ کا نتیجہ مثبت آیا ہے اوریہ بات ثابت ہو گئی ہے کہ صہیونی جیل انتظامیہ نے جان بوجھ کر فلسطینی قیدی کو کورونا وائرس کا شکار کیا ہے۔
قیدی کلب کے مطابق توقع ہے کہ صہیونی عدالت میں طے شدہ تاریخ کے مطابق رمزی ابو اجمیہ کو رواں ماہ کی 12 تاریخ کو مقدمے کی سماعت میں پیش کیا جائے گا۔