(روز نامہ قدس ۔آنلائن خبر رساں ادارہ ) اسرائیل کی پراسیکیوٹرجنرل نے کہا ہے کہ وزیراعظم نیتن یاھو نے اسرائیلی میڈیا کی بڑی شخصیات کے ساتھ متبادل منفعت کی کوشش میں اپنے اختیارات کا "غیرہ قانونی” استعمال کیا اور ذاتی فوائد حاصل کئے۔
قابض صیہونی ریاست اسرائیل کی مرکزی عدالت میں وزیراعظم نیتن یاھو کے خلاف بدعنوانی کیسز کی دوبارہ تحققایت شروع ہوئیں اس دوران اسرائیل کی جنرل پراسیکیوٹر لیات بین آرےکا کہنا تھا کہ وزیر اعظم بنیامن نیتن یاھو نے خودکو حاصل وسیع حکومتی اختیارات کو اسرائیل میںمرکزی ذرائع ابلاغ کے مالکان سے غیرمناسب طور پر فائدے کے کیلئے استعمال کیاجس کا مقصد ملکی سلامتی کے برخلاف اپنے ذاتی معاملات کو مضبوط بنانا تھا۔
انھوں نے کہا کہ ملکی قانون اس بات کی بالکل اجازت نہیں دیتا کہ کوئی بھی حکومتی عہدیدار جو خالصتاعوام کے ووٹ سے اعلیٰ منصب تک پہنچا ہووہ ذاتی مفادات کیلئے اختیارات کا ناجائز فائدہ حاصل کرے۔
واضح رہے کہ اسرائیلی وزیر اعظم بنجمن نیتن یاھو پر بدعنوانی، اختیارات سے تجاوز کرتے ہوئے ذاتی فوائد حاصل کرنے سے متعلق الزامات ہیں، نیتن یاھو پہلے حکومتی سربراہ ہیں جن کو منصب پر رہتے ہوئے سرکاری طور پر الزامات کا سامنا ہے۔