(روز نامہ قدس ۔آنلائن خبر رساں ادارہ ) صیہونی فوجی کو کار تلے روندھنے کے بعد فلسطینی کار سوار بحفاظت موقع سے فرار ہونے میں کامیاب، اسرائیلی فوج کا کہنا ہے کہ علاقے کی ناکہ بندی جاری ہے جلد حملہ آور کو گرفتارکرلیا جائے گا۔
صیہونی ریاست کے معروف عبرانی اخبار کے مطابق گذشتہ روز مقبوضہ بیت المقدس میں العزاریہ کےمقام پر ایک کار سوار نے قابض ریاست کے صیہونی فوجی کو اپنی کار تلے روندھ ڈالا جس کے نتیجے میں فوجی زخمی ہوگیا، اخبار نے اسرائیلی فوج کی جانب سے بیان نقل کیا ہے جس میں الزام عائد کیا گیا ہے کہ حملہ آور فلسطینی تھا اور اسلحہ سے لیس بھی تھا لیکن حملہ آور نے زخمی فوجی پر فائرنگ نہیں کی بس گاڑی سے ٹکر مار کر جائے وقو ع سے فرار ہوگیا۔
واقعے کے بعد فوج نے علاقے کو گھیرے میں لے کر سرچ آپریشن شروع کردیا ہے تاہم کسی شخص کی گرفتاری عمل میں نہیں لائی گئی، زخمی ہونے والے اہلکار کو ہسپتال منتقل کردیا گیا ہے۔