(روز نامہ قدس ۔آنلائن خبر رساں ادارہ ) دونوں فلسطینی طلباء صیہونی فوجیوں کی نام نہاد چیک پوسٹ کے پاس سے گذررہے تھے اس دوران قابض فوجیوں نے تلاشی کے نام پر دونوں کو روکا اور گرفتارکرلیا۔
مقامی ذرائع کےمطابق مقبوضہ بیت المقدس کے شہر العیسویہ کے داخلی راستے کے قریب قابض صیہونی فوجیوں نےدو فلسطینی طلباء کو تلاشی کے نام پر روکا اور دیر تک تفتیش کے نام پر ان سے پوچھ گچھ کرتے رہے اور آخر کار انھیں حراست میں لیکر نامعلوم مقام پر منتقل کردیا۔
عینی شاہد کا کہنا ہے کہ دونوں طلباء چوکی کے پاس سے گذررہے تھے اس دوران فوجیوں نے انھیں روکا، عینی شاہد کاکہنا ہے کہ دونوں طلباء کو بلا جواز گرفتارکیا گیا ہے کیونکہ اگر وہ کسی بھی غیر قانونی سرگرمی میں ملوث ہوتے تو چوکی کے پاس سے نہیں گذرتے، قابض فوجیوں کی جانب سے تاحال طلباء کے حوالے سے کوئی تفصیلات فراہم نہیں کی گئی ہیں۔