(روز نامہ قدس ۔آنلائن خبر رساں ادارہ ) انسانی حقوق کی تنظیم کی رپورٹ کےمطابق غزہ کے 20 لاکھ سے زائد فلسطینیوں میں سے صرف 86ہزار گھرانوں کو پینے کے صاف پانی تک رسائی حاصل ہے۔
مقبوضہ فلسطین میں اسرائیل کی جانب سے سنگین انسانی حقوق کی خلاف ورزیوں کو رپورٹ کرنےو الے انسانی حقوق کی تنظیم "المیزان” کی جانب سے جاری کردہ رپورٹ کے مطابق مقبوضہ فلسطین کے محصور شہر غزہ کے 20 لاکھ سے زائد فلسطینیوں کو بنیادی انسان حقوق بھی میسر نہیں ہیں، رپورٹ کے مطابق غزہ کے صرف 4.3 فیصد گھرانوں کو پینے کا صاف پانی میسر ہے جبکہ دیگر 19 لاکھ 12 ہزار کے قریب باشندے پینے کے صاف پانی سےمحروم ہیں۔
قابض صیہونی ریاست کی جانب سے گذشتہ 14 سالوں سے جاری غیر قانونی معاشی بندش کے باعث غزہ میں انسانی المیہ جنم لے چکا ہے، کاروباری سرگرمیاں ختم ہونے کے سبب ساتھ لاکھ سے زائد افراد بے روز گار ہیں، ایک اندازے کے مطابق غزہ میں سات لاکھ افراد کے بے روز گارہونے سے تقریبا 18 لاکھ فلسطینی براہ راست متاثر ہورہے ہیں۔