(روز نامہ قدس ۔آنلائن خبر رساں ادارہ ) قابض فوجیوں نے نام نہاد تلاشی کے نام پر فلسطینیوں کے گھروں میں لوٹ مار کرتےہوئےدرجنوں فلسطینی باشندوں کو حراست میں لیتے ہوئے نامعلوم مقامات پر منتقل کردیا۔
مقامی ذرائع کے مطابق قابض صیہونی فوجیوں نے فلسطین کے مقبوضہ علاقوں غرب اردن اور القدس میں گذشتہ روز نام نہاد گھر گھر تلاشی کی کارروائیوں کے دوران روایتی لوٹ مار کرتے ہوئے مکینوں کو تشدد کا نشانہ بنایا ۔
مقبوضہ بیت المقدس کے شہر رام اللہ شہر میں ایک چھاپہ مار کارروائی کے دوران ایک فلسطینی نوجوان ھادی غوانمہ کو حراست میں لیا، جنین شہر میں یعبد کے مقام سے ثابت ولید عطاطر کو حراست میں لیا گیا ، غرب اردن کے شمالی شہر قلیقلیہ میں تلاشی کے دوران قابض فوج نے خضوری یونیورسٹی کے طالب علم 20 سالہ نور صادق ابراہیم شواھنہ کو حراست میں لے لیا۔
مقبوضہ بیت المقدس میں تلاشی کے دوران قابض فوج نے غسان الشوامرہ اور ولید الخطیب کو گرفتار کیا۔قابض فوج نے الخلیل میں تین فلسطینیوں پر تشدد کیا جس کے بعد انہیں گرفتار کرلیا گیا۔ صحافی محمد عوض کے مطابق صہیونی فوج نے بیت امر کے مقام پر تلاشی کے دوران ابراہیم عبدالحمیدابو ماریہ، اس کی اہلیہ اور دو جوان بیٹیوں براہ اور آلا کو تشدد کا نشانہ بنایا۔