(روز نامہ قدس ۔آنلائن خبر رساں ادارہ ) قابض صیہونی فوج نے خطیب قبلہ اول کو گھر سے اغوا کرنے کے دوران گھر میں لوٹ مار کی انھیں گھنٹوںحبس بےجا میں ذہنی تشددکے بعد رہا کردیا-
تفصیلات کےمطابق صیہونی فوج نے گذشتہ روز خطیب و امام مسجد اقصیٰ الشیخ عکرمہ صبری کے گھر پردھاوا بولا اور گھر میں گھس کر روایتی توڑپھوڑ اور لوٹ مارکرتےہوئے انھیں تفتیش کے نام پر جبری طورپر اپنے ہمراہ حراستی مرکز لے گئے۔
مقامی ذرائع کا کہنا ہے کہ الشیخ عکرمہ صبری کو شب معراج البنی ﷺ کو عقیدت و احترام سےمنانے کیلئےفلسطینیوں کو قبلہ اول میں جوق درجوق آنے کی ہدایت کرنے پر قابض فوج نے انتقامی کارروائی کا نشانہ بنایاہے، انھیں گھر سے اغواکرتے ہوئے ان کی عمر کا خیال نہ رکھتے ہوئے وحشیانہ انداز میں فوجی گاڑی میں بٹھایا گیا اور حراستی مرکز منتقل کیا گیا جہاں ان سے تفتیش کے نام پر ذہنی تشدد کیا گیا۔