(روز نامہ قدس ۔آنلائن خبر رساں ادارہ ) قابض صہیونی جیل میں عمر قید کی سزا پانے والے فلسطینی کی والدہ بیٹے کی رہائی کی خواہش دل میں لیے بالآخر گذشتہ روز دنیا سے ہی چلی گئی۔
تفصیلات کے مطابق گذشتہ روز مقبوضہ فلسطین کے قصبے البعنہ سے تعلق رکھنے والےفلسطینی قیدی یاسین بکیری کی والدہ انتقال کر گئیں۔
صہیونی فوج کی جانب سے البکیری کو بغیر کسی جرم کے2002ء میں غیرقانونی حراست کے تحت صہیونی عدالت میں عمر قید کی سزاسنائی گئی تھی جس کے بعد قیدی کی والدہ کی جانب سے بیٹے کی رہائی کے لیے صہیونی عدالت میں متعدد اپیلوں کو نظر انداز کرتے ہوئے مسترد کیا جاتا رہا تاہم مظلوم بے گناہ فلسطینی کی باہمت والدہ رہائی کی درخواستوں کے مسترد کیے جانے کے باوجود مسلسل کوشاں رہی اور بالآخرگذشتہ روز انتقال کر گئیں۔