(روز نامہ قدس ۔آنلائن خبر رساں ادارہ ) بھارتی حکومت نے کشمیر کی آزادی کی بات کرنےکی پاداش میں محمد افضل گورو کو تہاڑ جیل میں 9 فروری 2013میں پھانسی دی تھی۔
مقامی ذرائع کے مطابق گذشتہ روزبھارت کےزیر تسلطمقبوضہ جموں وکشمیر میں کل جماعتی حریت کانفرنس کی جانب سے کشمیری حریت رہنما محمد افضل گورو کے آٹھویں یوم شہادت پرمکمل ہڑتال کی گئی۔
اس موقع پرتمام کشمیری علاقے سناٹے میں ڈوبے رہے، دکانیں اور کاروباری مراکز بند رہےاور ریلیاں نکالی گئیں جبکہ ٹریفک بھی معطل رہی۔
کل جماعتی حریت کانفرنس، میر واعظ عمر فاروق کے حریت فورم ،سید علی گیلانی ، سید صلاح الدین اوردیگر حریت رہنماؤں کی جانب سے شہید افضل گورو اور مقبول بٹ جن کی شہادت کو 37 برس کا عرصہ بیت جانے کے باوجود میتیں لواحقین کے حوالے نہ کرنے پر ایک روز قبل ہڑتال کی کال دی گئی تھی۔
واضح رہے کہ محمد افضل گورو کو سنہ 2001ء کے پارلیمنٹ حملہ کیس میں مجرم قرار دے کر 9 فروری 2013ء کو دلی کی تہاڑ جیل میں پھانسی دی گئی تھی اور پھانسی کے بعد ان کے جسد خاکی کو جیل کے احاطے میں ہی سپرد خاک کیا گیا تھا۔