(روز نامہ قدس ۔آنلائن خبر رساں ادارہ )صہیونی فوجیوں نے فلسطینی باشندے کو گاڑی سے اتار کر تشدد کانشانہ بنایا اور بے بنیاد الزامات کی پاداش میں گرفتار کرلیا۔
گذشتہ روز قابض ریاست میں صہیونی فوجی دستوں اور فلسطینی نوجوانوں کے مابین جھڑپوں کے دوران مقبوضہ بیت المقدس کے علاقے الطور سے تعلق رکھنے والے 55 سالہ شہری محمد شعیب کواسرائیلی صہیونی فوج نے ان کی گاڑی روک کر کالعدم تنظیم کی رکنیت کے بے بنیاد الزام کی پاداش میں تشدد کر تے ہوئے حراست میں لے لیا۔
خیال رہے کہ زیر حراست فلسطینی باشندے محمد شعیب کو قابض فوج نے اس وقت گرفتار کیا جب وہ صہیونی فوج اور فلسطینی نوجوانوں کے تصادم کے درمیان سے اپنی گاڑی میں اپنے خاندان کے ساتھ راہ سے گزر رہے تھے۔