(روز نامہ قدس ۔آنلائن خبر رساں ادارہ ) صہیونی قابض فوج نے دونوں نوجوانوں کے گھروں پر چھاپے مارے اور بے گناہ فلسطینیوں کو بدترین تشدد کا نشانہ بناتے ہوئے نا معلوم مقام پر منتقل کر دیا۔
ذرائع کے مطابق آج صبح سویرے قابض فوج نے مقبوضہ فلسطینی شہر جینن سے دو نوجوانوں معتز کمال فحماوی اور مسلم مصاروہ کو بغیر کسی جرم کے بے بنیاد الزامات کی پاداش میں ان کےگھروں پر چھاپہ مار کارروائی کر کے اغوا کر لیا۔
قابض فوج کی اس کارروائی کے نتیجے میں فلسطینی نوجوانوں کے خاندان کو بھی زدوکوب کیا گیا تاہم اہل علاقہ کے شدیداحتجاج پرصہیونی فوج نوجوانوں کو فوجی گاڑیوں میں بھر کر روانہ ہوگئی۔