(روز نامہ قدس ۔آنلائن خبر رساں ادارہ ) غزہ میں وزارت صحت کی جانب سے جاری اعدادو شمار کے مطابق محصور شہر میں اب تک عالمی وبا کورونا وائرس کے ہاتھوں جاں بحق ہونے والے افرادکی مجموعی تعداد520 ہوگئی ہے۔
تفصیلات کےمطابق مقبوضہ فلسطین کے محصور شہر غزہ میں وزارت صحت کی جانب سے جاری کردہ رپورٹ میں بتایا ہے کہ عالمی وبا کورونا وائرس سے متاثرہ افراد کی مجموعی تعداد 50996 ہوچکی ہے جبکہ 45860 وہ افراد ہیں جو مکمل طور پر صحت یاب ہوئے ہیں تاہم وبا کے باعث 520 افراد کے جاں بحق ہونے کی اطلاعات موصول ہوئی ہیں ۔
خیال رہے کہ فلسطینی وزارت صحت کی جانب سے گذشتہ 24 گھنٹوں کے دوران وبا سے متاثر ہونے والے 4616 افراد کے کورونا ٹیسٹ مثبت آئے ہیں تاہم کورونا وائرس کے سنگین نوعیت کےمتاثرین کی کل تعداد 38 بتائی جاتی ہے۔