(روز نامہ قدس ۔آنلائن خبر رساں ادارہ ) انتخابات کو تین مرحلوں میں کرنےکا فیصلہ کیا گیا ہے، پہلےمرحلے میں قانون ساز کونسل کے انتخابات کرائے جائے گے۔
فلسطینی صدر محمود عباس کے دفتر سے جاری بیان کے مطابق گذشتہ روز رام اللہ میں فلسطینی الیکشن کمیشن کےچیئرمین حنا ناصر نے صدر محمود عباس سے ملاقات کی ، ملاقات کے بعد جاری صدارتی فرمان کے تحت مقبوضہ فلسطین میں تینوں ، پارلیمانی، صدارتی اور نیشنل کونسل کے مرحلہ وار انتخابات کا فیصلہ کیا گیا۔
22 مئی 2021ء کو پہلے مرحلے کے تحت قانون ساز کونسل کے انتخابات کرائے جائیں گے ، 31 جولائی 2021ء کو دوسرا مرحلہ شروع ہوگا جس میںصدارتی انتخابات کا انعقاد کیا جائےگا جبکہ 31 اگست 2021ء کو تیسرے اور آخری مرحلے کے تحت نیشنل کونسل کے اراکین کا انتخاب کیا جائے گا۔
صدر عباس کی ہدیات پر فلسطین میں تمام سیاسی جماعتوں کو انتخابی مہمات شروع کرانے کی ہدایت کی ہے۔انتخابی مہم میں مقبوضہ بیت المقدس کو بھی شامل کیا جائےگا۔