(روزنامہ قدس ۔آن لائن خبر رساں ادارہ) صہیونی آبادکار وں کے ہاتھوں روزانہ ہی مسجد اقصی کی بے حرمتی پر مسلم دنیا یوں خاموش تماشائی بنی ہوئی ہےجیسےخدا کے گھر کی حفاظت کی ذمہ داری تمام مسلمانوں کی نہیں، صرف فلسطینیوں کی غیرت کا تقاضہ ہو،
تفصیلات کے مطابق گذشتہ روز شرپسند مذہبی جنونی یہودی آبادکاروں کے گروہ نے ایک بار پھر مسجد اقصی کا گھیراؤ کرتے ہوئے مسجد پر دھاوا بولا گیا جس کے بعدصہیونی آبادکاروں نےمذہبی اشتعال انگیزی کو ہوادیتے ہوئےمکمل سیکیورٹی سرپرستی میں مقدس مقامات کی بے حرمتی کی۔
واضح رہے کہ مسجدمیں موجودمسلمان عبادت گزاروں نے جب شرپسندوں کو مقدس مقامات کی بےحرمتی سے روکنےکی کوشش کی تو موقع پر موجود صہیونی پولیس اہلکاروں نے نمازیوں کو زدوکوب کیااور انہیں گرفتار کرتے ہوئے صہیونی حراستی انتظامیہ منتقل کردیا۔
قابض ریاست میں روزانہ کی بنیاد پر صہیونی آبادکار مذہبی اشتعال انگیزی پھیلانے کے لیے مسجد اقصی پر حملہ کی صورت میں فلسطینی مسلمانوں کی دکھتی رگ پر ہاتھ رکھ کرمجبور فلسطینیوں کو تشدد کا نشانہ بناتے ہیں جبکہ صہیونی حکام کی جانب سے آبادکاروں پر کوئی پابندی نہ ہونے کے باعث مسجد میںداخلے کی کھلی چھوٹ ملی ہے جس کے بعدوہ کسی بھی وقت قبلہ اول میں داخل ہوجاتے ہیں اور شرانگیزی پھیلاتے ہیں۔